Late 121 - Eite Hong Huh Topa

 Numei: Keimah in mual tung lam ka en to,

Huhna koi pan hong pai ding hiam?

Pasal: Van leh lei a bawl Topa kiang pan

Keima huhna hong pai hi

//Van leh lei a bawl pa

Eite hong huh Topa//

Na khe hong talsak ngeilo ding a

Kei hong keempa lusu lo hi

Hong cing hong kem hong huh den dingin

Topa ka kiangah om hi

//Van leh lei a bawl pa

Eite hong huh Topa//

Bridge: //Van leh lei a bawl pa

Eite hong huh Topa//

Eite hong huh Topa

HALLELUIJAH NUAM ZE’N SI’N TEH

                                                                                                                Phuak: Pa Sian Cin Zam 

1. Hih leitung gimna, gen theihnate tawh 

Kum sawt gua bang hin ding 

Lailung geel mawng e; 

Hong gum Topa aw, 

Satan kol panin Na khalim nuai 

Lungmuang sawl bang hei sak aw.  

Chorus:

Hallelujah nuam zen sin teh, 

tua ni hong tung leh 

Hih mipa in ka ngakngak ka 

Topa hilo maw; 

Phat ciat ve ni kham 

guasem leh guitar ngaihte tawh 

Zawhna late sa ziahziah ding 

thangvan tual nuam ah.

2. A hun hong nai zo, ani te nai ta; 

Zan aa khanlawh hun 

hong bang lel ding aive; 

U leh naute aw sinlung sial kei un, 

Zaitha san in itna phuh bang kho sak un. 

3. Gimnate bei in nopsakna tawh dim 

Natnate leh sihna om nawn lohna mun; 

It leh ngaihteng tawh 

Holung kum khawm in 

Ka deihnateng cing ding hi tua khuapi ah. 

4. Aw ngaklah sing e, anuam tua ni hun 

Vanmi siangthote tawh 

ka khawl khop ding hun; 

Hih leitung ka nuntak sung hizaw diam? 

Sam bang zalna kulsin pan ahi zaw diam? 

 

 

A Nini in Nuam Semsem

Key: G 

 

1. A tawntung ka kumpipa, 

    A tawntung ka lawmpa, 

    A tawntung gualzawhna hong pia, 

    Nisim lam hong lak a, nisim tha hong dim, 

    Nisim gualzawhna hong pia. 

            ( Buai na veng mang veh )2 

             Ka lawmpa ka kumpipa ka phat tak teh, 

             Pasian gam leh ama dikna zong masa leng

             Ani ani in nuam semsem. 

2. Vantung gam kham khuapi nuam, 

   A tawntung tang zihziah, 

   It leh ngaih te’tual len gam, 

   Eite hong dawn dingin, nisim kiging den uh, 

   Nuam zen si’n teh tua mun nuam.

Topa Hong Itna Khau Bang Sut Nuam Ing

Phuak: Pr Do Za Thang

Topa hong itna khau bang sut nuam ingh,
Van simnuai ah lamdang pen sa'ng,
Hi bang itna lian, koi ah om thei diam!,
Kalvary mual tungah si ta.

[Oh...oh lamdang hi,
A gal lian pen i hih laitak;
A Tapa hong pia hi, Phaltak!]2

Nawine naungek a nu' itna lian hi,
Vailo kuan ciang zong phawk den hi,
Hi hang Topa' itna tawh teh thei ke'ng,
MulKim huai lua hong it na lian.

Topa hong itna khau bang sut nuam ingh,
Vantung tun ciang zong sut lai ning,
Hi bang itna lian koi ah om thei diam!
Kalvary mual tungah si ta.

Ciimnuai Vontawi

Ka minam, ka pianna ka sisan
Zomi nam, chiimnuai zo vontawi
Ka pianna, ka khanggui a ki suut na
Kei adin, ang tang huai sang e..
Zogam lei, tunnu mel lawm sak din
Zo ta ten, i chih tak ding kisam (yeeeee...)
Zo phualva, i Zodan leh Zo ngeina
Zo laukha, kaitui bang ki gawm na

A kibang zohlouh na thelkhat toh
Ki tel khial lo veng,
A kibang a thupi takpi te gawm dih ni e
Tunsung khat a piang laigui kizom
Chiimnuai vontawi te
Sim le mal a melma in gibang i khen zong
Tai dang thei tuan khang e i sisan,
i ngeina leh kampau te'n.
Zomi chiimnuai laizom teng aw
chiin zaila'n hong awi.. (chiimnuai vontawi)
(Tui bang gawm den ni)

Nop le dah, ki uap leh ki thuakpih ding
Ka minam, ka sisan kan omkei
Kiim le paam, pawlpi sung thusan dan
Kikai dang thei, ami kidang thei kei


Sinthu tui bang luang khawm kawlgam vaigam i leng zong
Gibang khenlouh zo phualva tongchiam
I minam i angtan theih ding in mapang khawm leng e
Aw hanlung ciam ve ni, chiimnuai lia leh tang.

Zono Lungtup

T S Khai

Mim bang pian na ka Zogam nuam,
Kil bang khanna ka vaang khua nuam,
Sian Mang sin thu nau bang sanna,
Zono lia leh taang ho lung tuak na

Singta nuih ciam lel ding ka phal lo
Zono lungtup paai bang ka pom zo
Tual niam ding aa, Siansiam hi keng ei
Gual tung tuang ding, cii bang hong teel ee

          Tual khia khia kei ning,
          Zono lungtup kaansang hi ee
          Simlei nam cin zah ta lai ah
          Ngo bang langh ee
          Sinlungsiang leh sinthu tak tawh
          Suul hei ngei lo ding
          Han Lungciam ni zono lung tup
          Tuang tung ma teng..

Zophualva tawh sang min i lawh na
Tongciam peel lo cin thu tak na..
Namci lai ah, lawi bang thang eei
Zono ta ding ka sak meel hi ee..

San si luang in sum lu phum na
Tuan Pu Pa te sak luang phum na
Singta luah ding... ka phal ngam diam
Meel ma zuun ding ka pia ngam diam

Nang Lo In

Lianpi

Ka tuun ka zua lo tawh, simlei gua bang hin ding
Khuamial sung meivak sukmit bang hi
Van laukha siangtho lo tawh, Sian sinthu ci bang theh ding,
Ngia hon lakah tuuno ki khah bang hi

Lailung muan omlo, na vang mu bang ngai in nau bang kap
Hong sialsial ve'ng, phialva bang hong leng in.
Ka siang laitual hong leng, hong leng in aw.
Nang lo in nuai simlei nopna om kei
Nang lo in kei a ding nopna om kei.

Honpa Zeisu lo tawh, simlei ma ciang suan ding
Tuihual tung tuipak palh lam bang hi
Van laukha siangtho lo tawh, Sian sinthu vai bang hawm ding,
Tuihual laka gunkuang gammang bang hi.

Ka tuun ka zua lo tawh, simlei gua bang hin ding
Khuamial sung meivak sukmit bang hi
Van laukha siangtho lo tawh, Sian' sinthu ci bang theh ding,
Huihkhi dam sem thelnah keu leng bang hi.

Dahna Khitui

Zogam Bawi Niang

Tom lua sa'ng ei, mihing' nuntak na,
Upmawh loh kal tuihu bang mang lel..
Len cim manlo, khawlkhawm om man lo,
Khen na'ng hun ten dai bang hong nawk

Kimu kik ding Sianin siam hen.
Mi siangthote thawhkik ni zingsang ciang.
Limlangh tuipi gei kikhop ciang,
Dahna khitui teng Topa in hong nul ding.

Hai bang ngakla'ng mel ki mu kik ding.
Lungnop na zingsang khuavak hun ding.
Sim leitung ah ih thuak gimna te.
Tua ni ciang Topa phatna'n nei ning.

Ngai Ngam Keng Ee

Lia Cing Si
Phuak: T S  Khai

1. Na kha bil tawh dai tak ngai dih ve leh.
Hong honkhia meng un, Hong khakhia meng un ci.
Gim  lua zo ung cikciang kua'n hong hon diam?
Satan hencip na pan hong suut ding omlo ci.

Ngai ngam ke'ng ei maw Laizom te kahna.
Sinlai hong phawng ee mulkim huai kahna aw...
Va honkhia meng in, va lehkaih loh ding maw!
Kang meili mulkim huai, a tun ding geel ngam ke'ng.

2. Kua dang hikei Laizom te laukha hi.
Henkol sut ding leh lainat ding dang om lo.
Ziakai keini Sian vontawi Zo tate,
Sep theih nawnloh khuamial hun hong tung ding hi ta!

3. Geel ngam ke'ng ei Zo vontawi te laukha,
Al bang mang ta ei, kang meili zuan khin ta,
Keima hang hi Topa, hong maisak aw,
Sep theih bang sem ta ning, phal takin kong ki pia.

Ling Paak

Lingkung tung pan ahoih mahmah
Ling paak khat hong paak na ding
Bangzah gentheih leh haksatnate phukha hiam?
Nitang guahtui a hunhun in vantung panin kua'n pia hiam?
Na ihmut sung kal nangawn in Topa'n thupha hong pia hi.

A hoih mahmah lingpaak bangin
Topa'n nang zong hong bawl hi.
Bang ding lungkia in thaneem ding na hiam?
Khat veivei na lungkiat ciangin
Paakhuan a lingpaak te enin.
A hoihna leh a namtuina tawh tha la kik zel in.

Nisa lelin vul gawp mah leh, a hoihna bei thei tuan lo,
Zing nom daaitui tawh a palh kik tua lingpaak bang.
Leitung buaina gitlohna te'n hong zo gawpin vel mah leh,
Tung lam pan hong luang van daaitui
Topa' kam tawh palh kik ni.

Itna Pasian

Leitung mit tawh mel ka muh loh hang,
Vanglian Pa' khutin paai bang hong pom den.
Nau bang hong kepna te,
Ham bang nong huaina te,
A nop in nuam semsem Haleluiah.

Leitung pilna bangmah neilo hang,
Lungmawl kei bang lel mimci bang nong teel.
Sian aw na lenggah huan,
Gia bang zuun ka cimlo,
Laukha Siangtho tui bang hong dim zeel aw.

Tung solkhapi a mial zong,
Tung sunni mual a liap zong,
Mualliam theilo kei nong itna,
Cinglo taaklo tualniam ka nunna,
A sanna lam nong kaito.
Agape itna Pasian
na min paak bang kong tawina,
Zaila'n nau bang hong awiawi ning maw!

Pat puan hilo, naai puan hilo aa,
Zeisu' sisan tawh kizem puan silh ta'ng,
Lungin ka geelgeel ciang, Hoih in na hoih semsem,
An bang nong itna lian tumdang diak sa'ng.

Na hehpihna tawh hi ciang kong tung,
Mailam ka nunna hon zang toto aw,
Lum bang hong sung den aw,
Abaraham bangin mite ading thupha hong hisak aw!

Lii Bang Cinna

Ka mawhna teng nong maisak.
Ka natna teng nong dam sak
Ka dah hun ciang nong hehneem.
Ka luankhi nong nul sak hi.

Ka mawhna ban nong thuk lo a,
Ka hi bangbang nong la hi.
Lungdeih teng lii bang cinna aw,
Sian aw na vang mu bang ngai ingh.

Tung sunni ual a liap zong,
Tung solkha a mial zongin,
Nong itna ki dang ngeilo ...aw
Sian aw na vang mu bang ngi ingh.

Sepna peuh ah gualzawhna,
Heina peuh ah maitaina,
Ciangtan neilo nong itna.
Ngaihsutna thukin ban lo.

Nong itna sang a lian zaw...aw
Itna lian zaw a dang om lo.
A it huai pen leh a ngaih bang pen,
Sian aw na vang mu bang ngai ingh.

Nong Itna Lian

Haksatna leh natna ten kei hong tuam zel a,
Belhding neilo lamet bai in kei kapkap ingh,
Ka kahna aw giongkhia te Topa in hong za a,
"Ka ta aw, lau kei in, nang taw kong omkhawm" ci.

Ka lamet ngam loh thupha,ka an dinga ki lawmlo thupha
Nong sangsak Topa, nang tung lungdm si'ng.
Nong piaksa thupa hang,
Hih zaha nong itna ding, kei in bang hi a,
Ka innkuanpih te in bang hilel a hiam!
Nong itna lian zen si!

Sum le paii haksa, zehzumnate ka thuak zel a,
Lungkam mang bang heina peuh ah khim bang zing.
Sun le zan cih omlo kitui, naptui tawh dim ciang,
Kong phawk khakloh Topa'n kei hong panpih maw!

Ka hoihna leh ka pil ka siamna tawh hong zong leng,
Ka nun sungin Topa hong mu zo kei ning.
It taaklo kei leh ka innkuan pihte nong it man,
Ka innkuan un lungdam luankhi nul ungh.

A Gen Bang

Mual sang tung khat panin Topa van kahto a,
Puan paak silh mi 2 in nungzuite hehnem hi.
"Lungzuang kha peuhmah kei un, tu-a ki lato Zeisu in,
Van a kah na muh bangin hong kum kik ding."

A gen bang hong pai kik ding ka um hi.
Pengkulte ngaih lua kisa in misite phong ding cih ka um hi.
Mitphiat sung kikal inah vantung hong keek inah,
A gen bagn hong pai kik ding ka um hi.

Topa hong kilat ding, nai mahmah kha ding hi.
Tuni zong hithei hi, tuhun zong hithei hi.
Tua hunteh mi siang khempeuh Leitung in len zo nawnlo ding.
Van kimlai ah laaktohna ngah ding uh hi.

Van Lapi

Kei tum takin Lungdamna lasa in ka pai hi.
Khat veivei ka lung zuangin ka phun kha zelzel hi.
Hih bang dinmun ciang bek tawh vaakthap lel ding maw?
Vantung mite tawh van lapi sa khawm lo ding maw?

Mual sang tung panin la aw gal zak ingh.
Amah mungin mang leng, ei zong ih sa thei ding hi.
Tua lungdamna thu genin ka vak kawm inah,
Limtakin ka ngaih tak ciangin, Van lapi ka za.

Lungdamna thu gimpi a gen ding baih kei mah inteh,
Na ki patkhiat ding zong baih kei thei kha mah inteh,
Hizong kipan phot lecin na telna ding hi.
Van lapi a ki sakna mun, Zion zuan nahi.

Coda:

Nitang sung om dingin, tawntung nitang sung om in.
Nitang sungah nungta dih in, Tawntung nuam na sa ding hi,
Na lam hong tang sak ding hi.
Sanggam aw, nitang sung om dih in!

Ka Zaideih Aw Va Leng In

Pheiphung suanna'n cin zo lo, Ka zaideih aw va leng in.
Sesum lam sa'n cin zo lo, Ka zaideih aw va leng in.

Tatna thu thei nailo mite kiang va leng aw,

Ka zaideih aw va leng in.

Mualkuam gunpi kaanin gam khenpeuh va leng aw,

Ka zaideih aw va leng in.

Nuai zinmang tual lenna ah, Ka zaideih aw va leng in.
Tung Sianmang lainatna ah, Ka zaideih aw va leng in.

Laukha lung zuang nau bang kapte kiang va leng aw,
Ka zaideih aw va leng in.
Tatna thu thei nailo mite kiang va leng aw,
Ka zaideih aw va leng in.

Leitung Pasian!

Zingsang phalvak tung phet mah
Ak masa hong khuang peuhleh
Laikhun tungah zal ngam nawnlo
Neeklehdawn silhlehteen ding zong
Zang nisuah sim vailo kuan
Sunni tangcim tukawl tawi
Anlim anpha zong ne ngam lo
Niikhoih puanhoih zong silh ngam lo
Zumlehdai nong thuak lawh maw

      Leitung Pasian  Tun leh Zua aw
      Hong itna leh nong lainatna
      Tehpih omlo bangzah in lian hiam
      Hong thuk zo ngei kei ning e
      Leitung Pasian Tun leh Zua aw
      Nong khualna leh nong deihsakna
      Lungdamna lianpi hong ko ing
      Pahtawina hong pia ing e

Nitak ka lupkuan ciangin
Sian sinthu an bang nong muam
Zingsang ciangin ka khanlawh ciang
Thu hong ngetsak thupha hong pia
Vaimang siamsil hong sinsak
Sesum minthang hong zonsak
Singnuai gammual sak leh khang ah
Khua-ul sisan naisan luangin
Cingtuiguh nong kan lawh maw

I sawl ding lai ka phuk ni'n
Siikkang  dolcial ka lam ni'n
Sangsawn nelkai ka khuk ni'n
Vondeih nih thum ka tawi ni'n
I saunuam siang hong tawn vaw
Na kha mu bang hong ngai veng
Nopna dahna ka tuah ni'n
Na min thei bang hong lo lo ing
Tun leh zua hong sialsial inge

Zeisu Tawh Kilen Tang

Mawh na'n a suksiat ka kha chris in  vangik teng hem a tun hong ki tan khia zota Zeisu tawh kilen tangh.

Ni sim in khut kilen in lamtawn tung ka tawn ta hi lamkhial thei nawn lo ding hi Zeisu tawh kilen tangh.

Zan khuamial lungkiat lai tak ka thum na za in dawng pah tun bel ka suak ta taktak zeisu tawh kilen tangh.

A kawciik lam zui lai in lam ka pial nawn kei ding hi nisim in lampai kawm in Zeisu tawh kilen tangh.

Aksi te khempeuh kheng in kha in ka et tak ciang in
kham kongzing ka tawn ding hi Zeisu tawh kilen tangh.

Sangmang La

Carson Topa in khuavak hong puaka
Zogam khuamialpi sunni bang hong tang
Sangmang te lutang kiatna Zogam lei
Kham  sang manpha zaw Zogam nuam

Cope Topa'n mabang hong patsak zo a
A nuntakna khempeuh hong piak man in
Sangmang te lutang kiatna Zogam lei
Kham sang manpha zaw  Zogam nuam.

Khaii leh anlakding tampi oma anlading mitawm
kuanni nasep theihloh zan hong tun ma in
Sinthu khat in Topa ading semkhawm ni
Lailung kihual mabang pangkhawm Lia leh Taang
Zeisu min tawh ih gualzo ding hi.

music solo

AD kum 2000 hongcin ma in maw
Zogam Kawlgam lei hong paallun ding hi
Ih thaneih zah siit lo in sem dih ni
Na hih bangbang Topa'n deih hi.

Minam deidanlo gam khantohna ding
Zeisu min ading innkuan khat hi hang
Pupa te mabang giabang zom dihni
Zeisu tawh maciangsuan ve ni.

Cho x2
music ending.

Hanlung Ciam Ni!

Galkhua dondih ve Zogam lei ah lawki tebang in
Zovon tawi te zuu leh sa sung ah nopna zong in
Hongbawl pa sinlai nasin teh maw                             

                Hanlung ciam veni tuailai monno ten
                Sianmang sinthu tawh kal suan veni
                Guihtheih khamtheih te sawlbang hei sanun
                Khua leh tui innkuan hong pal-lun ding
                Kilbang khan na Topa sung ah...

  Siamsin momno te'n lunggel dih un! laizom Zomi te
  lamkiim lampaam ah melma te bangin kha liang vai
  Tak in ih innkuan sung mah susu ding maw

  Topa'n hong gen hi ki-it danding leh amah biak
  Danding pahtawi danding hong thupiak bang in
  Gamta peuh leng "Thupha hongpia ning" Topa' cihi