Lingkung tung pan ahoih mahmah
Ling paak khat hong paak na ding
Bangzah gentheih leh haksatnate phukha hiam?
Nitang guahtui a hunhun in vantung panin kua'n pia hiam?
Na ihmut sung kal nangawn in Topa'n thupha hong pia hi.
A hoih mahmah lingpaak bangin
Topa'n nang zong hong bawl hi.
Bang ding lungkia in thaneem ding na hiam?
Khat veivei na lungkiat ciangin
Paakhuan a lingpaak te enin.
A hoihna leh a namtuina tawh tha la kik zel in.
Nisa lelin vul gawp mah leh, a hoihna bei thei tuan lo,
Zing nom daaitui tawh a palh kik tua lingpaak bang.
Leitung buaina gitlohna te'n hong zo gawpin vel mah leh,
Tung lam pan hong luang van daaitui
Topa' kam tawh palh kik ni.
Sum haupa bangin thukham khempeuh
Avek pi in na zui khin zong in
"Na neih sa khempeuh zuak inla
Mizawng te tung hawmsak in" ci.
Leitung hauhna sum le paai te tawh
Nuam sa in vabang na leng hang in
Honpa Zeisu na neih nai kei leh
Na khat na kisam lai hi
Hong pai un lawm leh gual
Kha sung ah bual khawm dih ni
Kha sung na bual ma teng
Hin leitung hong piang thei lo
Na khat na kisam lai hi
Martha bangin nek le dawn bek tawh
Buai in Zeisu kiang ah tu man lo
Tom kal nunna leitung na te tawh
Na hun te mawk bei sak ding maw.
Mary bangin nek le dawn phawk lo
Zeisu khe kiang ah thugen lel in
Tom kal nunna leitung na te sang
Khantawn nunna teel masa in.
Van aa a leng vasa te lung ngai dih un
Amau te'n ansal ah an khol a hiam!
Kawlgit no khat nangawn vanpan in Pasian in
Puksi in khat zong kia sak nai kei.
Zing ciang in bang ka ne diam
Zing ciang in bang ka dawn diam?
Ci in namai lam ding gel in na lung himawh kei un
No te lung himawh na sang
Abawl pa lung himawh zaw lai
Tua nek le dawn silh leh ten sang
Mihing te nuntak na manpha zaw hi
(Pasian gam le a ma dikna
Na zong masa zaw un
Na zon masak uh leh a dang
Na sap na khempeuh zong
Hong piak thuah lai ding hi ciampel lo
Pasian in kam hong ciam zo)
Gamlak unok paak te bang zah'n etlawm hiam
Tua paak te kuan va sik zel hiam
Kumpi pa Solomon kham le paak namtui ten
Unok paak hoih na dem zo nai kei
