Hanlung Ciam Ni!

Galkhua dondih ve Zogam lei ah lawki tebang in
Zovon tawi te zuu leh sa sung ah nopna zong in
Hongbawl pa sinlai nasin teh maw                             

                Hanlung ciam veni tuailai monno ten
                Sianmang sinthu tawh kal suan veni
                Guihtheih khamtheih te sawlbang hei sanun
                Khua leh tui innkuan hong pal-lun ding
                Kilbang khan na Topa sung ah...

  Siamsin momno te'n lunggel dih un! laizom Zomi te
  lamkiim lampaam ah melma te bangin kha liang vai
  Tak in ih innkuan sung mah susu ding maw

  Topa'n hong gen hi ki-it danding leh amah biak
  Danding pahtawi danding hong thupiak bang in
  Gamta peuh leng "Thupha hongpia ning" Topa' cihi

Topa Eite Diktanna Hi

Taanglai Israelte a makaih, San tuipi kantan piha
Sun in niliim, Zan in meeikhuam tawh
A makaih Topa mah hi
Zanni, tuni kikhel lo Vanglian Topa hi

      Israelte' Honpa, Ei' Honpa
      Israelte'Topa, Ei' Topa
      Topa in eite' diktanna ahi.

Leitung mawhna a puakhia Topa
Hong it Topa Zeisu hi
Upna, dikna hong pia theipa
Hong it den ka Topa mah hi
Ka nunna hong lamdang sak
Vanglian Topa hi

Nungzui 12te

Nungzui 12 te in i Topa Zeisu kiangah thu dong
Bang thu na dong uh hiam?
Topa aw nong paikik ding hun ciang
Bang thu hong piang ding hiam?
Hong hilh in ci'n Topa kiang nungzuite'n  dong.

        Kuamah in no hong khem zawh lohna dingin           
        Na kikemun ci, mitampi te in
        "Keimah in tua pa ka hihi" ci in
        Keima' min tawh hong pai in
        Mi tampi a khem ding uh hi.

I Topa'n nungzuite kiang a gen
Gal kidona thu leh gal kikapna thute
Na zak ciangun lung himawh kei un
Tua te a piang ding hi
A hihang  abeina hinailo ding hi

Mi nam khat leh nam khat,
Gam khat leh gam khat hong kido ding
Mun khatkhat te ah ziin hong liing dinga
Kialpite zong hong tung ding uh hi.
Tua te in gimna kipatna hi ding hi

Tuni-in i Topa in nang leh kei kiangah
Hong gen hilo maw,ngaihsun pha dih ni
Tuni-in tua thute hangin
Nang leh kei kipuahpha lo ding maw
(I Topa hong pai baih ding hi.)3

Ka Khangno Hunte Hong Zang Siam Sakin!

Hun leh ni te'n mual hong liap san
Leitung om  dan te zong hong dang
Mimbang pian kum te zong hong tam to to
Ka pal lai ni te ka ngai e ci in lok ta bang ka tau ma
Ka khang no hun te a bei man kei hong zang aw
 
      Asawt lo in ka pal lai ni te hong bei ding
      A sawt lo in ka khang no hun te hong bei ding
      Ka pal lai ni te ka ngai e ci in lok ta bang ka tau ma
      Ka khang no hun te hong zang siam sak  aw

Hun leh ni te'n lah hongngak lo
Ka pal lai ni lah hong vul ding.
Tum bang vuai ciang sian mang a ding na sem
Zo nawn lo ding lawm leh gual aw
Ka pal lai ni lah hong bei ding.
Aw i pal lai ni  a bei ma'n ki pia ve ni.

Tu Ciang Ciang

Zogam ni bang atanna ding ZOMI te
Leivui panin hong lamto Jacob' Pasian
A biaktak zaw, a lian zaw To dang om kei.

Tukawl tawi lai siamsilneel zuun saumang sung
Namdang te tawh laikuang hong um sak Topa
Ko a dingin manpha lua cia Topa aw!

    [Tu ciangciang]4 hong nusia ngeilo Pasian
    Ka maciang suan khempeuh
    Nangma' thahatna tawh
    Hong gualzawh pih den aw Topa aw!

Zogam lei ah Topa kong lian sak uh hi
Thupha piak tak Zomite hong hisak aw
Nang nong it bang kote hong ki-it sak aw

Tomkal nun sung nang deih bang nungta siam ding
Na thu mangin na nasem muanhuai dingin
Ka nuntakna Nanga dingin hong zang aw


Everlasting Gospel thupuak gen dingin
Leitung khempeuh nasep kizo nailo-a
Na nasep nang pilna siamna neilo zong

Christian dangte'n lah hong huh ngeilo dinga
Neihsa siitlo i sep theih bang pangkhawm ni
Anlaak hunte theih loh kal hong kheng ding hi