A Nini in Nuam Semsem

Key: G 

 

1. A tawntung ka kumpipa, 

    A tawntung ka lawmpa, 

    A tawntung gualzawhna hong pia, 

    Nisim lam hong lak a, nisim tha hong dim, 

    Nisim gualzawhna hong pia. 

            ( Buai na veng mang veh )2 

             Ka lawmpa ka kumpipa ka phat tak teh, 

             Pasian gam leh ama dikna zong masa leng

             Ani ani in nuam semsem. 

2. Vantung gam kham khuapi nuam, 

   A tawntung tang zihziah, 

   It leh ngaih te’tual len gam, 

   Eite hong dawn dingin, nisim kiging den uh, 

   Nuam zen si’n teh tua mun nuam.

Von Nihthumte Tunnu

Sa: Lengtong Pauno

Album: Laizom Melma                                                                                            

It luat ngaihno ka lung deih, lo bang tul pih ding kong tel,
Sian in tui bang hong gawm a, Sihna longal hong khen lo ding,
Tung Sianmang' mai ah tong ih ciam a,
Kum sawt va bang i len khawm a, Von nih thum paak bang ih tawi,
Nopna dahna i thuak khawm a, Gentheih haksat kong thuakpih sa,
Lengdang paal tawh teh theih loh.

Lia paal zatam hong paal zongin sinlung tong nang kong piak sa,
Nang lo leng dang paal ka am lo, Nang lo lung ka geel tuanlo;
Zatam lai pan ci bang kong teel, ka itna ang sung nong khawl a,
Ka nuntakna lungtang kong pia, Ih zia ih tong dan ki thei sa,
Von nih thumte tunnu aw.

Kamsiatna huih bang hong nung a, lungkhamna khimkhua hong zing,
Lungkiatna tui bang hong khang, Pa neilo meigong tagah bang,
Ka angkawi leh ka vontawi teng;
Kiang lungmawl hing ei angkawi, Zua lungmawl hing vontawi te,
Hong maisak, Hong maisak un; Sian in gua bang hong hah ding a,
Lung muang nun nuam leng dingin.

Pianna tun leh zua pham lo buang, Vontawi te sanggah ding aw,
Gual in nuihciam hong lel dia, Simmawh neubawl a thuak dingin,
Na zua pa'n lungin gelngam ken'ng;
Ka tawineem aw zuang hong tho aw, Na tun leh zua lungmawl e,
Luankhi nul heh hong nem aw, Na heina nun nuam saulim pan,
Na tun zua hong don dih ve.

Ka von nih gel aw na ngai un, Na zua pa'n sinthu hong lel ning,
Na tunnu'n sesum phunglun, Paal zaw gual siang lam va zuan zong,
Na zuapa'n no ading nungta ingh.
Khangsawn te'n tu bang a cin ding, Tuan sinthu'n khau bang a sut ding,
Sian tawh tongciam sa angkawi leh, Von nih gel kong it luatna tawh,
Hanciam in kalsuan ta'ng ee.

Topa Hong Itna Khau Bang Sut Nuam Ing

Phuak: Pr Do Za Thang

Topa hong itna khau bang sut nuam ingh,
Van simnuai ah lamdang pen sa'ng,
Hi bang itna lian, koi ah om thei diam!,
Kalvary mual tungah si ta.

[Oh...oh lamdang hi,
A gal lian pen i hih laitak;
A Tapa hong pia hi, Phaltak!]2

Nawine naungek a nu' itna lian hi,
Vailo kuan ciang zong phawk den hi,
Hi hang Topa' itna tawh teh thei ke'ng,
MulKim huai lua hong it na lian.

Topa hong itna khau bang sut nuam ingh,
Vantung tun ciang zong sut lai ning,
Hi bang itna lian koi ah om thei diam!
Kalvary mual tungah si ta.

Hong It Ka Tun Aw Nu

Thei bang sen lai in, Mimbang pian na Tunnu
Vailo kuan in nisa khasa nuai ah
Khua ul tui bang luang, gilkial dang tak in
Cintui guh kang in na sem maw.
Nat leh sat thuak in haksat na tuak zong
Zatui zaha sumleh pai zang ngam lo
Alim a al zong ciam ngam dawn ngam lo
Khui sa lo zong thum lo maw tun aw...

  Tun aw taang bang dam lam bang hong huai lai in
  Laizom sangah lungmawlte,,
  Lambang hong pih lai in aw
  Sian in siam hen la khan kum khua sawt hen
  Tun aw hong it ka tun aw Nu..

Tukleh khal omlo guah nuai dai nuai ah
Asuk ato aa lokuan sing pua in
Nong kep nong vak na
Tun aw nong it na
Pam zongin lungin ngilh kei ning
Tun aw lunglau ken,, meigong na hi zong
Natu nata te tawh saumang liim ah
Lungsim tawl nga in pumpi tawlnga in
Hellam luan khi theu sak in Tun aw..

  Tun aw tangbang dam ham bang hong huai lai in
  Laizom sangah lungmawlte,,
  Lambang hong pih lai in aw
  Sian in siam hen la khan kum khua sawt hen
  Tun aw hong it ka tun aw Nu..

Tun aw lunglau ken
Na vonnih thum te gual tawh tan bang kim ta ung
Lailung muang in aw Tun aw
Sian in siam hen la khan kum khua sawt hen
Tun aw hong it ka Tun aw nu,,
Tun aw hong it ka Tun aw nu...

Zal Mangpha

Thawn Kham

Muikhua hong zingin, Tung ah solkha hong taan ciang, Na vangmu bang ngai in, Lungzuan zaideih awi ing ee¦Zankhua daidam ee, Ka zaalna laikhun tung pan, Buh-al hong khuang ciaiciai, Zankhua sawt bang sial ka hiam?  Lunglen khasiat na tawh zingkhua vak zel ee…

Sakkik:
Koi ah va bang nong len sanâ, Koi ah sawlbang na hei hiam?  Zaalmangh in ken hong man ing,  Na min theibang lo zel ing,  Koi ah va bang nong lensanâ, Koi ah sawlbang na hei hiam? Heina peuh ah Siansiam tg bang na dam aw….Zaalmangpha…

Mui khua hong kaai in, Zo lawkta te hong tau ciang, Nang maw gibing nong khen, Ni leh Kha te dangh ta ee, Mual zatam hal ta, Tui bang ki gawm kik lo ding, Nang sul leh lo ding maw, Vai bang hong ciah kik lo ding, Kum ki vei zong phawkna tuktui bang khang ee,

Sisan Nam Nih

Kham gam ten Zo ta te leh
Zang gam ten Zo vontawi te
Sam gi bang ki khen lo in
Tui bang luang khawm diam2 ni..

Kawlgam ten Zo ta te leh
Vai gam ten Zo Von tawi te
Khut khat tawi khe khat khai bang
Ma bang pang khawm liai2 ni..

  Singlam teh tung ki khai Vantung tu no
  Honpa Zeisu Sisan tawh
  Tuun sung khat pan ah piang
  Ciim nuai ta te,Zo von tawi te
  Lai zom khat te..

Chorus:     Sisan nam nih in hong gawm zo
                Bang in gi bang ki khen thei ding ih hiam
                Zomi te pau nak ah khan gual bawl ki mang lo
                Ei leh ei bawl in ki mang bek ci
                Ih khua ih tui leh ih pau ih ham ih beh ih phung
                Tua thu gen nawn kei ni..ih tupna ih ngim na
                Toi sak lo Mai lam sau pi en in
                Sisan tawh thu gen ni..

Sisan Namnih - Sower Sister [Agam leh A Dikna III

Pianna Danglou

T. G. Lian

Gamchih kal a dou leng ding a
Phung chih lal tang a ki sai ding
Thianmang tong dam tuh, tuang bang khung hiam aw
Tuibang gawmding phung chih in lel in maw

...Phung tawm inlah kei chi sam e
Tangkhat in zong ei mang hiam chi
Seh bang hawm a ching lou eiteng liiliai
Chikchiang mawngbang kikawi ding i hiam aw

Pianna danglou, heina mualkhat
Tuan simthu khau bang sut danglou
Kua ta doh-ai siam in khim hiam aw
Leidou patbang kisai ging hi e

Luankhawm thelbang khauhna simthu
Za-ta lunga lenthal bang thaam
Phung chih huai te'n selung sitlou leh
Luang khawm din za kaphit lei luangbang ding

Zogam vaang a khabang phamte

Zogam vaang a khabang phamte’
Thahat ngalliam khuaibang a hangte’n,
Dougal lau lou! daibang a nawk in,
Gam-le-nam di’n hinna laan uh hi.

Hun-le-nite liam zel in, leenkum kivei zel 

mahleh, Zogam vaang a khabang phamte,

Zolei vontawite’n hon ngilh kei ung e,

Zahna lianpen hon pia ung ee.

(Khamuang tak in na zaalta un)

Muikhua zing in lummei hong kai a,
Tangchih mualchih aliap lai in,
Zolei Nang vang’n khuambang kip den hi,
Zolei na itna sialbang lian hi.

Thanghou-Liandoute ki-itna gam,
Tuan a pupa’n aluahsa gam,
Zolei shingtate henkawl bulh di’n,
Ngaingam la’ng e, ka phal theilou.

Na suulnung uh zuun ding zatamte’n
Hanlung chiam ung selung tuak in,
Nuachiang vonte hon geel nawn lou in,
Khamuang tak in na zaal ta un.

Takkheh! Takkheh!

Sa : Lengtong Pauno                                                               Lyrics: Funny

Haulalmuan Zogam Lia leh Tang, Zomi galkapte,
Selung liap lo aw Sianin ham bang hong huai dia;
Zogam pallun ding hai bang ngaklah ve'ng,
Tung Sianmang in lum bang hong sung hen aw.

Zomi galkapte hanlung ciam ve ni.
Zogam pallun ding mi za ta'n hai bang ngak;
Selung liap lo aw, Sian in hong huai dia,
Phamsa te vang in "Takkheh! Takkheh!" ci ni.

Tun leh zua, laizom, ciin leh tuaite aw,
Haksat gentheihna, lungkham na i tuak zong in;
Selung liap kei ni, Sian' hawmsa Zogam,
Tuang hong tung pah ding hai bang ngak hang ee.

Pupa ma bang patsa Zomi galkapte,
Sulnung hong zui-in semni gia bang zun ve ni;
I Zogam nun nuam, laitual len na gam,
Nun bang in nuam ee Sian in hong kem hen.

Itna Sum le Paai

Lengtong Pauno 

  Lei tungah ki-itna tak tak ka zon zon hang
  muzokeng ea, mi hing khat leh khat ki-itna
  hauh na sum leh paai bek hi ,
  zawng lua bang mah nei zolo in
  ka veng ka pam in  hong sim mawh ea
  ka ip sungah bang mah om lo a
  khawlh pih ding lawm  muzokeng ea


            Leitung mite ki-itna in sum leh pai bek hi
            ki-it na man itna tak tak lei  tungah om kei
            itna ngaihna sum  leh  paai

  Mai lam ka nuntak nang om lo
  hong it hong ngai mu zokeng ea
  inn leh lo bang mah nei loin
  nu ngak ten hong sim mawh ea
  kei zong mi  bangin hau hi leng nu ngak te'n
  hong ngai mah ding hi ven
  hong it hong ngai tam mah ding hi ven
  min hong sim-mawh lo mah ding hi ven

Dimtui Vangkhua

Lengtong Kam Khen

//Thei bang sena zu bang ka momlai-in
Ka nu'n luai sung hong vei diaidiaina tual
Ka vangkhua tual hong zuankik ing
Mim bang pianna Dimtui vangkhua
Kil bang khanna lenna singta gamlei
Ka vangkhua tual hong zuankik ing

Aw sulhei khau bang ciah ding ka tai
Nunnop taang sinlai-ah am veng
Ka vangkhua tual hong zuankik ing
Mim bang pianna Dimtui vangkhua
Kil bang khanna lenna singta gamlei
Ka vangkhua tual hong zuankik ing//

Thei bang sena zu bang ka momlai-in
Ka nu'n luai sung hong vei diaidiaina tual
Ka vangkhua tual hong zuankik ing
Mim bang pianna Dimtui vangkhua
Kil bang khanna lenna singta gamlei
//Ka vangkhua tual hong zuankik ing//

Ken Hun Nang Tongciam Pel

Lengtong kam Khen

Hong neem ding omlo khattang taangzuang
Luankhi nul dingin om lo
Ngaih in tem bangin hong deih lo-a
Ka vang zu bang hong nial e

Aw... kei sanga paal zaw gual
Na lungtup taang palno tawh
Sim leitung khan kum sawt gua bang hingin
Nunnop va bang na leeng un

Lunggulh loh taang sawl bang heita ning e
Tong sia'n hong lel kei aw
Nuihciam in hong lel tuan kei in maw
Nunlui sial zel ning e

Ka nuntak sung lungzuan sial den ding
Phamna kulsin ka zal dong
mna nau bang kap den ding
Khitui a kan matengin

Ciimnuai Vontawi

Ka minam, ka pianna ka sisan
Zomi nam, chiimnuai zo vontawi
Ka pianna, ka khanggui a ki suut na
Kei adin, ang tang huai sang e..
Zogam lei, tunnu mel lawm sak din
Zo ta ten, i chih tak ding kisam (yeeeee...)
Zo phualva, i Zodan leh Zo ngeina
Zo laukha, kaitui bang ki gawm na

A kibang zohlouh na thelkhat toh
Ki tel khial lo veng,
A kibang a thupi takpi te gawm dih ni e
Tunsung khat a piang laigui kizom
Chiimnuai vontawi te
Sim le mal a melma in gibang i khen zong
Tai dang thei tuan khang e i sisan,
i ngeina leh kampau te'n.
Zomi chiimnuai laizom teng aw
chiin zaila'n hong awi.. (chiimnuai vontawi)
(Tui bang gawm den ni)

Nop le dah, ki uap leh ki thuakpih ding
Ka minam, ka sisan kan omkei
Kiim le paam, pawlpi sung thusan dan
Kikai dang thei, ami kidang thei kei


Sinthu tui bang luang khawm kawlgam vaigam i leng zong
Gibang khenlouh zo phualva tongchiam
I minam i angtan theih ding in mapang khawm leng e
Aw hanlung ciam ve ni, chiimnuai lia leh tang.

Zono Lungtup

T S Khai

Mim bang pian na ka Zogam nuam,
Kil bang khanna ka vaang khua nuam,
Sian Mang sin thu nau bang sanna,
Zono lia leh taang ho lung tuak na

Singta nuih ciam lel ding ka phal lo
Zono lungtup paai bang ka pom zo
Tual niam ding aa, Siansiam hi keng ei
Gual tung tuang ding, cii bang hong teel ee

          Tual khia khia kei ning,
          Zono lungtup kaansang hi ee
          Simlei nam cin zah ta lai ah
          Ngo bang langh ee
          Sinlungsiang leh sinthu tak tawh
          Suul hei ngei lo ding
          Han Lungciam ni zono lung tup
          Tuang tung ma teng..

Zophualva tawh sang min i lawh na
Tongciam peel lo cin thu tak na..
Namci lai ah, lawi bang thang eei
Zono ta ding ka sak meel hi ee..

San si luang in sum lu phum na
Tuan Pu Pa te sak luang phum na
Singta luah ding... ka phal ngam diam
Meel ma zuun ding ka pia ngam diam

Nang Lo In

Lianpi

Ka tuun ka zua lo tawh, simlei gua bang hin ding
Khuamial sung meivak sukmit bang hi
Van laukha siangtho lo tawh, Sian sinthu ci bang theh ding,
Ngia hon lakah tuuno ki khah bang hi

Lailung muan omlo, na vang mu bang ngai in nau bang kap
Hong sialsial ve'ng, phialva bang hong leng in.
Ka siang laitual hong leng, hong leng in aw.
Nang lo in nuai simlei nopna om kei
Nang lo in kei a ding nopna om kei.

Honpa Zeisu lo tawh, simlei ma ciang suan ding
Tuihual tung tuipak palh lam bang hi
Van laukha siangtho lo tawh, Sian sinthu vai bang hawm ding,
Tuihual laka gunkuang gammang bang hi.

Ka tuun ka zua lo tawh, simlei gua bang hin ding
Khuamial sung meivak sukmit bang hi
Van laukha siangtho lo tawh, Sian' sinthu ci bang theh ding,
Huihkhi dam sem thelnah keu leng bang hi.

Dahna Khitui

Zogam Bawi Niang

Tom lua sa'ng ei, mihing' nuntak na,
Upmawh loh kal tuihu bang mang lel..
Len cim manlo, khawlkhawm om man lo,
Khen na'ng hun ten dai bang hong nawk

Kimu kik ding Sianin siam hen.
Mi siangthote thawhkik ni zingsang ciang.
Limlangh tuipi gei kikhop ciang,
Dahna khitui teng Topa in hong nul ding.

Hai bang ngakla'ng mel ki mu kik ding.
Lungnop na zingsang khuavak hun ding.
Sim leitung ah ih thuak gimna te.
Tua ni ciang Topa phatna'n nei ning.

Ngai Ngam Keng Ee

Lia Cing Si
Phuak: T S  Khai

1. Na kha bil tawh dai tak ngai dih ve leh.
Hong honkhia meng un, Hong khakhia meng un ci.
Gim  lua zo ung cikciang kua'n hong hon diam?
Satan hencip na pan hong suut ding omlo ci.

Ngai ngam ke'ng ei maw Laizom te kahna.
Sinlai hong phawng ee mulkim huai kahna aw...
Va honkhia meng in, va lehkaih loh ding maw!
Kang meili mulkim huai, a tun ding geel ngam ke'ng.

2. Kua dang hikei Laizom te laukha hi.
Henkol sut ding leh lainat ding dang om lo.
Ziakai keini Sian vontawi Zo tate,
Sep theih nawnloh khuamial hun hong tung ding hi ta!

3. Geel ngam ke'ng ei Zo vontawi te laukha,
Al bang mang ta ei, kang meili zuan khin ta,
Keima hang hi Topa, hong maisak aw,
Sep theih bang sem ta ning, phal takin kong ki pia.

Ling Paak

Lingkung tung pan ahoih mahmah
Ling paak khat hong paak na ding
Bangzah gentheih leh haksatnate phukha hiam?
Nitang guahtui a hunhun in vantung panin kua'n pia hiam?
Na ihmut sung kal nangawn in Topa'n thupha hong pia hi.

A hoih mahmah lingpaak bangin
Topa'n nang zong hong bawl hi.
Bang ding lungkia in thaneem ding na hiam?
Khat veivei na lungkiat ciangin
Paakhuan a lingpaak te enin.
A hoihna leh a namtuina tawh tha la kik zel in.

Nisa lelin vul gawp mah leh, a hoihna bei thei tuan lo,
Zing nom daaitui tawh a palh kik tua lingpaak bang.
Leitung buaina gitlohna te'n hong zo gawpin vel mah leh,
Tung lam pan hong luang van daaitui
Topa' kam tawh palh kik ni.

Itna Pasian

Leitung mit tawh mel ka muh loh hang,
Vanglian Pa' khutin paai bang hong pom den.
Nau bang hong kepna te,
Ham bang nong huaina te,
A nop in nuam semsem Haleluiah.

Leitung pilna bangmah neilo hang,
Lungmawl kei bang lel mimci bang nong teel.
Sian aw na lenggah huan,
Gia bang zuun ka cimlo,
Laukha Siangtho tui bang hong dim zeel aw.

Tung solkhapi a mial zong,
Tung sunni mual a liap zong,
Mualliam theilo kei nong itna,
Cinglo taaklo tualniam ka nunna,
A sanna lam nong kaito.
Agape itna Pasian
na min paak bang kong tawina,
Zaila'n nau bang hong awiawi ning maw!

Pat puan hilo, naai puan hilo aa,
Zeisu' sisan tawh kizem puan silh ta'ng,
Lungin ka geelgeel ciang, Hoih in na hoih semsem,
An bang nong itna lian tumdang diak sa'ng.

Na hehpihna tawh hi ciang kong tung,
Mailam ka nunna hon zang toto aw,
Lum bang hong sung den aw,
Abaraham bangin mite ading thupha hong hisak aw!

Lii Bang Cinna

Ka mawhna teng nong maisak.
Ka natna teng nong dam sak
Ka dah hun ciang nong hehneem.
Ka luankhi nong nul sak hi.

Ka mawhna ban nong thuk lo a,
Ka hi bangbang nong la hi.
Lungdeih teng lii bang cinna aw,
Sian aw na vang mu bang ngai ingh.

Tung sunni ual a liap zong,
Tung solkha a mial zongin,
Nong itna ki dang ngeilo ...aw
Sian aw na vang mu bang ngi ingh.

Sepna peuh ah gualzawhna,
Heina peuh ah maitaina,
Ciangtan neilo nong itna.
Ngaihsutna thukin ban lo.

Nong itna sang a lian zaw...aw
Itna lian zaw a dang om lo.
A it huai pen leh a ngaih bang pen,
Sian aw na vang mu bang ngai ingh.