Ling

Ka khual zinna abei ciang
Lei-a ka thuakna gimnateng
Thuak kha nawnlo ding mitphiat kalsung mang ziau ding
Lung ah ngilh takpi ding maw?

Kham kawngzing ka totni ciang
Ling tawh kidim ka lampi
Tawn kha nawn lo ding
Bangzah takin a nuam diam
Ka dahna teng Topa phatna hong suak ding.

           Na lampi ah ling a om leh
           A lu tunga khu pa phawk in
           Simmawh bawlsiat zahkonate na thuak ciang
           Nang sang a siangzaw Pa
           thuaknate phawkkik in.
           Na lampi ah ling a om leh a lu tunga khu Pa phawk in
           Simmawh bawlsiat zahkonate na thuak ciang
           Nang sang a siang zaw Pa'n zong na thuak hilo maw!

Lei-a ka puak singlamteh van-ah ka kham lukhu ding
Lei-ah thuak semsem leng van-ah met semsem
Kham lukhu tamzaw na veh!
Dahna meeipi a then ciang
Nopna ni bang hong taang ding
Topa' theih loh kal a piang na khat zong om kei.
Ka khitui mal kia zah Topa'n ciamteh hi.